14/05/2005   離開大學後第一天~


今日唔駛返工住,
所以~~~

訓.......但係都好早起左身, 十點左右啦~
食少少野, 跟住睇卡通片~~~

三點鐘, 約左烽仔去太子買野,
但係佢唔記得拎電話, 所以返左屋企拎,
我等佢果陣, 去左聯合機舖睇人打機果陣, (因為我係唔打街機O既)
哈, 撞到ECE 同學仔 DANIEL, 黃志傑呀~~
哈哈, 佢話悶到飛起~~~
於是我捉左佢去同我買BAG 啦~~
最後烽仔黎到, 我就買左個BAG 啦~~

跟住同烽仔去左我地買開野果個老闆度, 平時買野佢會平俾我地架,
因為佢知我地係學生, 離開舖頭, 我就同烽仔講,
唔好俾老闆知道我地畢業呀~~~~~

跟住同烽行魚舖, 見到D 蝦蟹, 勁想養,
但係因為要溝咸水...好煩.......慢慢先諗~~
首要都係執好間屋先~!!!!!

返到屋企, 阿發話今晚返公司,
於是我就做埋公司D 野先啦~

食完飯, 就用個新BAG, 返公司~~
雖然係屋企都差唔多做晒,
但係因為之前考試, 有D 野做唔到, 今晚要執返D 手尾,
所以攪到好夜先走得,

跟住阿發就車我返屋企啦....冇錯, 係棉羊仔一隻...
第一次正式坐阿發車尾, 勁驚.....
沿路都捉到個手柄實一實, 總之勁驚,
直到過左海之後, 就好好多啦, 因為習慣左,
但係開頭果陣, 我夠膽講係驚過去海水公園玩海盜船架~!!!!!!!!!!

但係坐佢車果陣, 愈坐愈唔開心.....
之後落車果陣, 仲唔開心,
好耐冇試過咁慶......
不過唔開心野, 唔記啦~!!